“9.   Cuirfidh na Ballstáit de cheangal ar ghnólachtaí infheistíochta an spriocmhargadh a d’fhéadfadh a bheith ann le haghaidh gach ionstraime airgeadais a shainaithint ar leibhéal mionsonraithe leordhóthanach agus na cineálacha cliant a shonrú a bhfuil an ionstraim airgeadais comhoiriúnach lena riachtanais, a shaintréithe agus lena chuspóirí, lena n-áirítear aon chuspóirí a bhaineann leis an inbhuanaitheacht. Mar chuid den phróiseas sin, sainaithneoidh an gnólacht aon ghrúpa cliant nach bhfuil an ionstraim airgeadais comhoiriúnach dá riachtanais, dá saintréithe ná dá gcuspóirí seachas i gcás ina gcuirtear tosca inbhuanaitheachta san áireamh leis na hionstraimí airgeadais. I gcás ina gcomhoibríonn gnólachtaí infheistíochta chun ionstraim airgeadais a mhonarú, ní gá ach spriocmhargadh amháin a shainaithint.”;

“11.   Cuirfidh na Ballstáit de cheangal ar ghnólachtaí infheistíochta a chinneadh an gcomhlíontar riachtanais, saintréithe agus cuspóirí sainaitheanta an spriocmhargaidh le hionstraim airgeadais, lena n-áirítear trí iniúchadh a dhéanamh ar na gnéithe seo a leanas:

“14.   Cuirfidh na Ballstáit de cheangal ar ghnólachtaí infheistíochta athbhreithniú a dhéanamh ar na hionstraimí airgeadais a mhonaraíonn siad ar bhonn rialta, agus aon teagmhas a d’fhéadfadh difear ábhartha a dhéanamh i leith an riosca fhéideartha don spriocmhargadh sainaitheanta á chur san áireamh. Measfaidh gnólachtaí infheistíochta an bhfuil an ionstraim airgeadais comhsheasmhach i gcónaí le riachtanais, tréithe agus cuspóirí an spriocmhargaidh, lena n-áirítear aon chuspóirí a bhaineann le hinbhuanaitheacht, agus an ndáiltear é ar an spriocmhargadh, nó an ndáiltear é ar chliaint a bhfuil a riachtanais, a saintréithe agus a gcuspóirí neamhoiriúnach don ionstraim airgeadais.”;

“2.   Cuirfidh na Ballstáit de cheangal ar ghnólachtaí infheistíochta socruithe leordhóthanacha maidir le rialachas táirgí a bheith i bhfeidhm chun a áirithiú go bhfuil na táirgí agus na seirbhísí atá beartaithe acu a thairiscint nó a mholadh ag luí le riachtanais, saintréithe, agus cuspóirí, lena n-áirítear aon chuspóir a bhaineann le hinbhuanaitheacht, atá ag spriocmhargadh sainaitheanta agus go mbeidh an straitéis dáilte atá beartaithe comhsheasmhach leis an spriocmhargadh sainaitheanta. Déanfaidh gnólachtaí infheistíochta cúinsí agus riachtanais na gcliant a bhfuil sé beartaithe acu díriú orthu a shainaithint agus a mheasúnú go hiomchuí chun a áirithiú nach gcuirfear leasanna na gcliant i mbaol mar thoradh ar bhrúnna tráchtála nó cistiúcháin. Mar chuid den phróiseas sin, sainaithneoidh gnólachtaí infheistíochta aon ghrúpa cliant nach bhfuil an táirge nó an tseirbhís comhoiriúnach dá riachtanais, dá saintréithe agus dá gcuspóirí seachas i gcás ina gcuirtear tosca inbhuanaitheachta san áireamh leis na hionstraimí airgeadais.”;

“5.   Cuirfidh na Ballstáit de cheangal ar ghnólachtaí infheistíochta athbhreithniú a dhéanamh ar na táirgí infheistíochta a thairgeann siad nó a mholann siad agus ar na seirbhísí a sholáthraíonn siad ar bhonn rialta, agus aon teagmhas a d’fhéadfadh difear ábhartha a dhéanamh i leith an riosca don spriocmhargadh aitheanta á chur san áireamh. Déanfaidh gnólachtaí, ar a laghad, measúnú an bhfuil an táirge nó an tseirbhís fós i gcomhréir leis na riachtanais, na saintréithe agus na cuspóirí, lena n-áirítear aon chuspóir a bhaineann le hinbhuanaitheacht, atá ag an spriocmhargadh sainaitheanta agus an bhfuil an straitéis dáilte atá beartaithe fós iomchuí. Déanfaidh gnólachtaí athmhachnamh ar an spriocmhargadh agus/nó nuashonróidh siad na socruithe maidir le rialachas táirgí má thagann siad ar an eolas gur shainaithin siad go mícheart an spriocmhargadh le haghaidh táirge nó seirbhíse ar leith nó nach gcomhlíonann an táirge nó an tseirbhís cúinsí an spriocmhargaidh shainaitheanta a thuilleadh, amhail cásanna ina n-éiríonn an táirge neamhleachtach nó an-luaineach de dheasca athruithe ar an margadh.”.